بقلم: محمد علي حسن
آه بحبِك
مش عشان انا روحي فيكي
أو عشان ضمة إيديكي
أو عشان ضي ف عنيكي
حبي ليكي
حاجة تشبه للكلام
شئ برئ
حسيته لما
كنت اسلِم
شئ بيندَه
من بعيد
بس كان جوايا عَلّم
كنت بسأل نفسي عنّك
كنت بسأل ..هو حضنّك
ممكن أبقى جوه فيه؟
آه يا حضنِك !!
ويلي مِنُّه …
ويلي جدا ألف ويل
عايز اضُمِّك كل ليل
أصل حُضنِّك لسه فيا
ماله زي مالوش مثيل
لسه فاكر ضي عينك
لما تتأمل شفايفي
كان في عينِك شئ خرافي
فاكرة لما سمحتي ليا
إني اضمِك ضم جامد
إني ألمس حتة منِك
كان تالتنا الله شاهد
آه بحبِك
صدقيني
لو بعيدة أو قريبة
لسه والله بتوحشيني
آه بحبِك
