عصام سامي ناجي
الحزن عاش جوانا
من يوم ما كان بيسنن
والضوء خالص اتجنن
مش ناوي يرجع تاني
فقول لي ليه يا حبيبتي
كتبتي فيا الشعر
فقول لي ليه عشقاني
وأنا وأنت مختلفين
أنا من كوكب الحزن
وأنت من كوكب الياسمين
*
بياض قلبك طل
ع الدنيا
أبهر حميع الكون
حتى الحنين رافض
يبيع وتخون
والشعر مش متزن
أوقات بيبقى عاقل
وأوقات كتير مجنون
والشوك خلاص
مابقاش يشوك حد
نهر المحبة اتحفر
في قلب الجميع واتمد
والشمس حطة سد
عشان الظلام يتلم
وكليب في آخر حياته
كتب بالدم
فوق الجدار لأخوه
اوعاك تصالح
واوعى في وسط
المأسى تتوه
