راجي بشاي
القشطوطة و الزءطوطة و المدلعة و المتشخلعة و يح يح و شوية أسامى قبيحة طفحت علينا فى آخر ٤ سنين .. إشى مجموعة إسمها ب لبن و مجموعة ثانية إسمها وهمى و ثالثة إسمها كرم الشام و غيره و غيره
** جهز اول كنكة قهوة بن وسط محوج و تعالى معايا نقرأ القصة من أولها:
عادل مؤمن ده اصلا طبيب بيطرى .. صاحب مجموعات محلات بلبن / بهيج / وهمي / عم شلتت / كرم الشام / كنافه وبسبوسه وطبعا استحالة تكون فلوسه لوحده لأنه مجرد بارافان ميس ..71 فرع لمحل ب لبن فى مصر و 26 في السعوديه و 12 في الإمارات وكرم الشام: 33 فرع في مصر وكنافه وبسبوسه: 28 فرع في مصر.
وكله ظهر فجأة من فترة بسيطة وبأعداد كبيرة جدا وصرف ببذخ للديكورات ومحلات فى أماكن احيانا غالية جدااااا .. تم غلق وتشميع جميع الفروع منذ فترة وجيزة بمصر…. وبالتبعيه جارى غلقها فى باقى الدول العربيه
وتباعا سيتم غلق افرع وسلاسل كتيره غيرهم فى الايام الجاية
كله غسيل أموال التنظيم الدولى للخرفان عن طريق إخوان سوريين .. قلنا كده من بدرى.. بس الحكومة بعافية بتاخد بالها متأخر شويتين
وماحدش يقول لى مخالفات صحية وتراخيص والخزعبلات دى.. علشان ماباكلش أنا من الهرتلة دى .. وأى غبى أو غبية حايقولى قطع عيش لناس كتير شغالة عنده هارزعه فى خلقته بالجزمة👞..كنتوا فين لما عملتوا مقاطعة لشركات وبراندات كبيرة فى مصر وقطعتوا عيش شباب كتير بحجة الدعم لأنجس بشر (الحمساوية) فى قطاع غزة .. الرزق بتاع ربنا مش فى ايد شوية انجاس
النغمة اللي شغالة دلوقتي من بعض اللجان بعد أغلاق فروع ب لبن وغيرها كلهم بيقولوا “مش حرام قطع ارزاق العمال اللي كانوا شغالين في المحلات” ..
طب كان فين الحنية والأنسانية والكلام اللطيف ده وقت المقاطعة من أجل غزة كان فين من آلاف العمال اللي أتخربت بيوتهم وأتشردوا بدون سبب.
عموما أظن صحة ملايين المصريين أغلى من أي حد وأغلى من المدلعة ومن المتشخلعة وأغلى من المتشمعة ذات نفسها .. الكلام ده بيأكد لنا أن الشركة دي وغيرها اللي طلعوا وأنتشروا في نفس التوقيت وبشكل كبير بدون ما تعرف مين الجهة الحقيقية اللي بتقف وراها هيطلعوا زي ما سبق وحذرنا وعبرنا عن تخوفنا من أنها مجرد واجهة وستار مشبوه لإعادة تدوير أموال الجماعة اللي الدولة كانت بدأت تحاصرها ..
قامت الحكومة سيباهم يعملوا تريندات كل يوم تريند شكل
ويغسلوا في نفس الغسالة وراحت مفجآهم مفاجأة من العيار الثقيل وعملالهم تريند (المدشملة )
لأن فكرة عدد الفروع الرهيب دا في مصر ومعظم الدول العربية لبراندات كبرت فجأة بشكل يخض، كان أمر مثير للشك فعلا.. ولما حصل تخبيط من أحدهم في براندات اتربينا عليها زي العبد والمالكي وحاجات بقت معانا كبرنا عليها وكبرت بهدوء، هنا كان الشك الحقيقي…
بالمناسبة صاحب معظم البراندات دي واحد ك إسم لكن السؤال معقول هو الأونر وللا وراه ناس تانية والأيام الجاية هتكشف أمور كانت مستخبية..
عارف حضرتك يعني ايه اكتر من 130 فرع كبير لمحلات ب لبن في مصر والسعودية والامارات.. يعملوا تريندات كل يوم تريند شكل
ويغسلوا غسيلهم الوسخ في نفس الغسالة!
قصة غلق ب لبن اكيد هتكشف حاجات ومفاجأت.. وكمان كمية براندات سورية غير طبيعية ولسه كله جاي.. أيضا بكائيات ال 25 ألف عامل فقدوا رزقهم محاولة رخيصة لكسب تعاطف الناس والتجاوز والتأثير على عمل جهات التحقيق.. خليها تنضف 🧹
نغمة قطع عيش الناس، ربنا بيرزق الجميع وعلى فكرة في ناس كتيرة اكتر من ال25 الف بتوع ب لبن بأضعاف عيشها اتقطع وكانوا شغالين في براندات بتدفع كل الاستحقاقات وبتفيد اقتصاد البلد، ووقتها كل دا كان تحت ستار وهمي اسمه “المقاطعة”، ووقتها قليل اللي اتعاطف معاهم…
ربطوا الأمور ببعض هتفهموا حاجات كتيرة جدا
* أولا: مصلحة الدولة اكبر من مصلحة الافراد
* ثانيا: فيه كيانات كتيره فاتحه في مصر ولها افرع كتيره وماحدش بيفكر يقفل اى فرع لهم زى ماكدونالد وكنتاكى و ستاربيكس و فتح الله وجمله ماركت و 2b و دريم 2000 تاون تيم وهنا انا اتعمدت اذكر شركات ذات انشطه مختلفه وكلها مصرى حالص منها استثمار وكل اللى بيعملوا فيها مصريين مش هنود والله
* ثالثا: انك تقول 25000 عامل اتشردوا تبقي عفوا ساذج ومش فاهم حاجه
لان السوق المصرى يستوعب ضعف العدد ده 5 مرات وفي اسبوع بالظبط
* رابعا: هصدمك بنغمة 25000 بيعملوا في بلبن وحسألك سؤال يا ساذج يا بغبان بتردد وبس🦜
سلسلة محلات عددهم 110 فرع بيعمل فيهم 25000 عامل
طيب 110/25000 يعني بمعدل 227 عامل في كل فرع
بلاش يا سيدى همشي معاك للاخر .. 110 فرع كل فرع بيشتغل فيه 30 عامل مع انك لو زبون وبتروح حتلاقي بالكتير 5 عمال في الورديه المهم
30 عامل لكل من 110 فرع يعنى 3300 عامل
وحفترض 5000 عامل بيشتغلوا في المصانع مع انه استحاله
وحفترض عنده 1000 سواق بيخدموا على 110 فرع يعني 10 سواقين لكل فرع
وعنده 500 محاسب ومحامى وسكورتير وخدمة عملا
يبقي كل اللي بيشتغلوا عنده لا يتعدوا ال 11500 عامل
وده لو الارقام اللى ذكرتها والمبالغ فيها دى بتشتغل عنده فعلا
ها فين بقي ال 13000 الباقيين يا اذكى اخواتك ياللى عمال تتكلم وتردد زى الببغبغان
اللى بيعيط على ال25000 عامل اتشردوا والله عدد مبااالغ فيه جدا
هوه اللى كان بيشير للمقاطعة وبيسعى لخراب بيوت المصريين اللى بيشتغلوا في شركات بيبسي وكوكاكولا وشيبسي وغيرهم وكان بيشتمنا وبيقول علينا كفره وخونه .. الفرق ان بتوع بلبن مصريين والتانيين هنووود
* خامسا: صاحب السلسلة مؤمن عادل جاب الفلوس دى كلها منين
وعمل الإنتشار السريع ده ازاى؟ .. حضرتك عاوز تلعب تعالى العب
كلف واصرف وخطط واعمل وفالآخر تعالى نتحاسب كدولة بقي ونعرف
من أين لك هذا؟
** جهز كنكة ثانية قهوة وسط محوج ع الريحة و تعالى إقرأ معايا من أين لهم هذا:
* أسرار الكاريبي وشركاء في الظل يكشفون وجه إمبراطورية الحلوى
في غضون سنوات قليلة، تحولت “ب لبن” من محل ألبان متواضع في الإسكندرية إلى إمبراطورية تضم 160 فرعاً عبر ثماني دول.
لكن حملة إغلاق فروعها بسبب مخالفات صحية فتحت صندوق أسرار أكبر بكثير من البكتيريا الممرضة والبكتريا النافعة و البكتريا الدافعة .. وراء هذا النجاح المذهل، تختبئ جنسية كاريبية لأحد ملاكها في سانت كيتس ونيفيس، وشركاء غامضون، وملاذات ضريبية تثير تساؤلات حول الشفافية المالية. من هم ملاك “ب لبن” الحقيقيون؟ وما الذي يخفونه وراء ستار جزر الكاريبي؟
سانت كيتس: مفتاح اللغز .. تحقيقات أجرتها “جهات سيادية”، مستندة إلى مصادر مفتوحة وسجلات الشركات، كشفت أن مؤمن عادل، أحد ملاك “ب لبن” الرئيسيين، يحمل جنسية سانت كيتس ونيفيس، وهي دولة كاريبية صغيرة تُعرف بكونها واحدة من أشهر الملاذات الضريبية في العالم..
سانت كيتس (st. Kitts) هو nick name .. إسم الكنية لكريستوفر كولومبوس (st. Christopher ) مكتشف الأمريكتين.
هذه الجنسية ليست مجرد وثيقة سفر، بل بوابة لعالم من السرية المالية.
تُمنح مقابل تبرع بـ250 ألف دولار أو استثمار عقاري بـ400 ألف دولار، وتتيح لحامليها إعفاءات ضريبية كاملة على الدخل، الثروة، والميراث، إلى جانب إمكانية إخفاء الهوية.
سانت كيتس، التي أُدرجت في القائمة السوداء للاتحاد الأوروبي عام 2018 بسبب عدم التزامها بمعايير الشفافية الضريبية، تُعد ملاذاً مفضلاً لرجال الأعمال الباحثين عن حماية ثرواتهم من أعين الرقابة.
جواز سفرها يتيح الدخول إلى أكثر من 150 دولة دون تأشيرة، ويُسهل فتح حسابات مصرفية دولية، مما يجعلها أداة مثالية لنقل الأموال عبر الحدود دون تتبع.. لكن هذه الجنسية تثير تساؤلات حادة: لماذا يحتاج مالك شركة ناشئة في مصر إلى ملاذ ضريبي في الكاريبي؟ وما حجم الثروة التي يسعى لحمايتها؟ و فى نهاية المقال حينما تتعرف على قيمة التصالح مع الدولة المصرية سيتضح جلياً لماذا يصر أباطرة غسيل الأموال على جنسية سانت كيتس🤔
شركاء في الظل: من هم ملاك ب لبن الحقيقيون؟ على الواجهة، تُظهر السجلات أن “ب لبن” مملوكة لثلاثة أشخاص: الأخوان مؤمن وكريم عادل، وإسلام سلامة.
لكن التحقيقات تكشف عن شبكة معقدة من الشركات والشركاء المخفيين: مؤمن عادل، الذي يسيطر على الجزء الأكبر من الملكية، يمتلك 90% من شركة “ب لبن للاستثمار” في سلطنة عمان، بينما يملك شقيقه كريم 10% فقط. في بريطانيا، أسس مؤمن شركة “B.LABAN EUROPE LTD” عام 2024، ويحتفظ بأغلبية حقوق التصويت، مع شركاء آخرين لا تُكشف أسماؤهم في السجلات العامة.
في الولايات المتحدة، تظهر شركة “B.LABAN INC” في بروكلين بنيويورك، بقيادة شخص يُدعى أنور الطاهري كوكيل، لكن أسماء المديرين الآخرين محجوبة.
هذا الغموض يمتد إلى مصر، حيث أسس كريم شركة “ليكس كارجو موفرز” للنقل والشحن عام 2024، بالاشتراك مع أفراد آخرين مثل عمرو يوسف وخالد أحمد.
هذه الشبكة من الشركات والأسماء المتناثرة تثير شكوكاً حول وجود شركاء غير معلنين أو مستثمرين في الخفاء، يتحكمون بمصير “ب لبن” من وراء الكواليس.
ملاذات ضريبية: لعبة الشفافية والسرية .. اختيار سانت كيتس كملاذ ضريبي ليس صدفة .. فهذه الدولة كما ذكرنا تتيح لأصحاب الثروات حماية أصولهم من إجراءات التقاضي أو التدقيق الضريبي في بلدانهم الأصلية.
السجلات تُظهر أن شركة “ب لبن للاستثمار” في عمان، على سبيل المثال، تأسست برأسمال متواضع قدره 10 آلاف ريال عماني، وهو مبلغ لا يتناسب مع حجم التوسع العالمي للمجموعة.
هذا التناقض يعزز الشكوك حول وجود قنوات مالية غير معلنة، ربما تُدار من خلال ملاذات ضريبية مثل سانت كيتس، التي تُعرف بتسهيلاتها في إخفاء الأصول.
لماذا السرية؟ تحديات الشفافية .. غموض الشركاء واستخدام ملاذ ضريبي يضعان “ب لبن” في موقف حساس. في مصر، حيث تُعد الشفافية المالية مطلباً أساسياً للشركات الكبرى، يُنظر إلى مثل هذه الممارسات بعين الريبة.
الجنسية الكاريبية وإخفاء أسماء بعض الشركاء قد يكونان استراتيجية لتجنب التدقيق الضريبي أو حماية الأرباح من القوانين المحلية .. لكن هذا النهج يثير تساؤلات أخلاقية: هل يحق لشركة تستفيد من السوق المصري أن تُدار من ملاذات ضريبية بعيدة؟ وما تأثير ذلك على الاقتصاد المحلي؟
دعوة للتحقيق والمساءلة: السلطات المصرية، التي أظهرت حزماً في مواجهة المخالفات الصحية، مدعوة الآن لتوسيع نطاق تحقيقاتها لتشمل الجوانب المالية.
كانت “ب لبن” يومًا رمزاً للطموح المصري، لكن جنسية سانت كيتس وأسرار الشركاء المخفيين قلبا الطاولة .. وراء واجهة الحلويات التقليدية، تختبئ شبكة من الشركات الدولية وملاذات ضريبية تثير الشكوك.
اليوم، تقف المجموعة أمام اختبار الشفافية: هل ستكشف عن هوية شركائها ومصادر أموالها؟ أم أن أسرار الكاريبي ستبقى مدفونة في رمال سانت كيتس؟
* ال CV بتاع ملاك ب لبن كامل ببساطة عشان اللي يقولك إن الموضوع مفيهوش غسيل أموال إديلهُ علي قفاه وحطلهُ المقال دة في عينهُ
* ملاك بلبن مؤمن وكريم عادل وإسلام سلامة .. مؤمن عادل واخد جنسية دولة سانت كيتس أحدي دول جزر الكاريبي المصنفة في الإتحاد الأوروبي من ضمن القائمة السوداء في 2018 م وتم حذفها نهائي سنة 2020 م
* كونها من الدول اللي لم تلتزم بالشفافية الضريبية ولا تحارب التهرب الضريبي
*يعني أي رجل أعمال حاصل علي جنسيتها ليه الحق في الإعفاء من الضرائب والحماية من إجراءات التقاضي دون الإفصاح عن هويتهُ
* وأغلب رجال الأعمال المتهربين من الضرايب واللي عايزين يهربوا فلوسهُم برة بياخدوا جنسيتها مقابل تبرع للحكومة 250 دولار أو شراء عقار بقيمة 400 ألف دولار بس
* في نفس الوقت قاعدة بيانات opencorporates أظهرت أن اللي أسس شركة ب لبن في بروكلين في أمريكا شخص إسمهُ أنور الطاهري كوكيل لها مع وجود شخصين آخرين مالهمش أي بيانات
* علي قاعدة الشركة نهائي يعني بإختصار ملاك الظاهرين هما مؤمن وكريم عادل في حين إن في شركاء تانيين ملهمش بيانات علي قاعدة بيانات الشركة هويتهُم محجوبة تماماً .. هما مين وجنسيتهُم إية ،، ماحدش يعرف
* طب مين أشهر رجال الأعمال المصريين اللي واخدين جنسية سانت كيتس عشان يقدروا يخرجوا فلوسهُم بسهولة
* محمد زكي السويدي صاحب السويدي للكابلات
* بنات فريد خميس ياسمين وفريدة خميس أصحاب النساجون الشرقيون
* محمد منصور صاحب علامة منصور شيڤورليه وصاحب علامة ماكدونالدز مصر
* كامل أبو علي صاحب مجموعة شركات تعمل في مجال السياحة ولها 14 قرية سياحية وصاحب شركة الباتروس السياحية وشركة بنفس الإسم للإنتاج السنيمائي
* عمر الدماطي صاحب شركة دومتي لإنتاج الألبان
* يعني قرار الدولة بتقنين أوضاعهُم غرضهُ الأساسي عدم خروج فلوس الملاك خارج الدولة وحماية لحقوقها من التهرب الضريبي كون أن مؤمن واخد جنسية دولة بتسمح بالتهرب الضريبي ودخول أرصدة في بنوكها من غير مصدر معلوم دة لوحده غسيل أموال
* تعالى ياحبيبي إفتح سجل تجاري وإعمل بطاقة ضريبية وهات حق الدولة اللي بتكسب من وراها وبتهرب فلوسك برة علي حس جنسيتك التانية وإدفع اللي عليك وأحطك تحت عيني
* ونتحاسب كسبت كام وعليك كام ومن ناحية تانية حماية للعاملين عندهُم اللي كتير منهُم إشتكي بعدم صرف رواتبهُ وعدم وجود عقود توظيف
* يعني مش شخلل عشان تعدي زي ما الخرفان بتمأمأ ..و يقال و العهدة على من روى أن توفيق أوضاع (ب لبن) مالياً قد يتجاوز ربع الميزانية الكاملة لجمهورية مصر فى عام كامل ( رقم يسبقه ١٢ صفر) .. مش عيب إنه جاى يغسل .. بس لما يكون غسيله وسخ .. يبقى لازم يتدعك و يتشطف و يتنشف و يتكوى عشان يلبس على نظافة .. مش كده وللا إيه!
