بقلم: عصام سامي ناجي
حاولي تجاوبي على الأحزان
حاولي تحلي
تنسي كل أفكار “ميكافيلي”
قلبي عاقل قوى وكبير
وأنت من قلبي بتقلي
ومشغلة روتانا زمان
وبتسمعي فوازير شريهان
وبتسمعي بوسي ونيلي
أنا قررت أمشي خلاص
علشان مافيش
شيء فاضلي
وياريت تبقى بعدي سعيدة
مش راح أجيب
سيرتك تاني
في أي قصيدة
ولا في كتاب
هامسح أي رسايل بينا
ع الواتساب
*
هانسى ملامحك
هانسي كمان ريحة العطر
وفصاحنا في عيد الحب
وعيد الفطر
وأحلامنا واحنا
بنتمشي علي النيل
في مشاعري ما كنتش
أبدا شخص بخيل
*
وأنتي نهايتي بإيدك القصة
مش محتاجة ابدا حصة
في الخيانة والخذلان
عندك منه مخزون فايض
وأنا كتبت فيك قصايد
واهديتك كام ديوان
لكن الآن
بينا ما فيش
حتى الود
هابني جدار الكره الأعمى
وفي مشاعر الحب حاهد
ولو قبلتك صدفة في يوم
جايز أتجاهلك
أو أعاملك ند لند
