وجّه يوسف حسن، حارس مرمى الزمالك السابق ولاعب ليفيلز الحالي، رسالة مطولة إلى جماهير القلعة البيضاء، تحدث خلالها عن فترة وجوده داخل النادي، كاشفًا عن تفاصيل معاناته وما وصفه بضياع حقوقه المالية.
وكتب يوسف حسن عبر حسابه الرسمي على «فيسبوك» رسالة بدأها بمخاطبة جماهير الزمالك، قائلًا: «جمهور الزمالك العظيم، إن الله لا يصلح عمل المفسدين».
وأضاف: «كلمتين هقولهم، الله ومش عايز حاجة. أقسم بالله مفيش حد بيحب الزمالك غير جمهوره. أنا مستقبلي اتدمر وحياتي اتبدلت 360 درجة عشان اخترت الزمالك، وكان قدامي عروض من الأهلي ونوادي كتير بإثباتات».
وتابع حارس الزمالك السابق: «مهما أحكي أنا الإدارة عملت فيا إيه، وساومتني على فلوسي اللي في الآخر ماخدتهاش، ورموني».
وأوضح أنه كان يتجنب الحديث عن أزمته خشية تعرضه للانتقادات، قائلًا: «محدش هيحس بيا، وكنت بسكت عشان مايتقالش عليا واطي وجعان».
ووجّه يوسف حسن رسالة إلى جماهير الزمالك بشأن اللاعبين الذين يرحلون عن النادي أو يلجأون إلى القضاء للمطالبة بمستحقاتهم، قائلًا: «أوعوا تزعلوا من بني آدم لعب لنادي الزمالك ومشي، اعرفوا إنه اتذل واتكسر نفسه عشان ياخد فلوس يدفع إيجاره أو أكله وشربه».
وأضاف: «ولو رفع قضية، هو مش بيكره الزمالك أو جمهوره، بالعكس، دي الطريقة الوحيدة اللي عايز بيها حقه ورزق عياله».
واتهم يوسف حسن بعض الأشخاص بتقديم وعود متكررة للاعبين بشأن مستحقاتهم قبل عدم الوفاء بها، قائلًا: «اللي بيوصلكم إن اللعيبة جعانة وواطية وكدابة، اللعيبة دي بتبقى اتوعدت مليون مرة بحقوقها واتغدر بيها من بني آدمين».
واختتم رسالته قائلًا: «كلام كتير مش هعرف أكتبه، وشوفته بعيني. كل اللي أقدر أقوله لكم: ربنا معاكم ويوفقكم. ولو حصل عكس ده، اعرفوا إن دي دعاوى ناس اتظلمت وسطكم».
