عصام سامي ناجي
الأحزان عماله تراوغ
مش منتهية
والأوجاع بتحاصر روحنا
وهي واقفة حزينة وساهية
وحتى السكة
واخده قلوبنا في
ستين داهية
هو مافيش في
الدنيا بحالها
ألوان فاتحة وألوان زاهية
ولا يكون العيب
في عيونا
استسلامنا لكل سجونا
نبض القلب كمان بيخونا
من غير داعي
بين الحق وبين
الباطل قلبك ساعي
وأنا مش حاقدر
اجيب الضي في
يوم بدراعي
علشان كده باحايل فيه
كل خطوة بنخطيها
بتقربنا أكيد م التيه
*
تاه الحلم من أيادينا
وأدي زهورنا ياخلق حزينة
حاولت أصحي في
كل مدينة
ومافيش فايدة
نار الكره
من غير أي
مناقشة قايدة
*
انهارت حتى كل حصونا
اللي زمان شيدناهه
والأحزان قبل ما ترحل
واخدة قلوبنا أسيرة معاهه
والأماني راجعه بتسأل
ع الأوطان
ولا حدش فينا وداهه
لو خرجنا من حيرتنا
هندخل تاني في
أي متاهة
