عصام سامي ناجي
خلاص الصدق مش باين
وبكرة الجاي
أكيد خاين
سلم كل أمجاده
شاف التتار عادوا
ما قامشي حتى يتصدا
وصلى بدون ما يتوضى
في غير اتجاه القبلة
وأوهامه كده حبلى
بكام مولود
ناسي كمان اسمه
وهاجر قلبه من جسمه
ورافض إنه حتى يعود
فقد إحساسه وإلهامه
ومقغولة السكة قدامه
وهو ممعهوش الكود
وماشي يغني في الزفة
ولف الدنيا كام لفه
وفكره للأسف محدود
*
خلاص الفكر مش هو
وحتى يأسنا الجوال
سكن في قلوبنا
من جوه
وأسس بيت
وشاف النار كدة بتولع
فصب الزيت
بدون مبالاه
ولم أشباح وجبها معاه
وخلى كل شيء باهت
خطاوي الصبح
ليه تاهت
وليه بدل هنا وشه
لسه الزهور هتغشه
وتاخد منه أحلامه وترميه
فيغرق في وسط العتمة والتيه
رغم إنه عدي العمر
طيب قوى ونزيه
