شعر :عصام سامي ناجي
غني لنفسك أغنية
مع كاظم الساهر
ما فيش حواليك
أي شيء باهر
وأنت مُصر تنبهر
أدمنت طعم المأسي
والدردشة والسهر
وكتبت اسمك
في نص السطر
الدنيا زي القطر
وكل واحد له محطة
لسه بتسأل م اللي وطى
م اللي حط في القلوب
أوجاع وحسرة
م اللي باعنا للسماسرة
بدون تمن
ضحك علينا الليالي والزمن
*
غنى لنفسك أغنية
واكتب بشعرك
للي جاي بعدك وصية
مهما كان الجو عتمة
والطريق مليان أفاعي
السكوت مش شيء طبيعي
وحتى مالهوش أي داعي
وأقرا في الكتاب بتاعي
أي صفحة
الآلام دلوقتي طفحة
وظهرة فوق جلد الكتاب
والأماني جاية تسأل
اللي غاب
