عصام سامي ناجي
الحزن بيمشي في شوارعنا
وبيدخل في بيوتنا
من غير استئذان
واللون الأسود سيطر
دلوقتي وبان
وقلوبنا اتغذيت ع الأحزان
ومشينا في السكة
وأصبحنا من غير عنوان
وفقدانا براءتنا وأسمينا
وقلوبنا بتبكي وهي حزينة
ولا فيش قدامنا أي مدينة
ولا لاقين بر أمان
*
أبواب الأحلام مقفولة
والضلمة قدامنا شبة الغولة
والخطة م الأعداء معمولة
والبعض اتخلى وخان
ساب الضي يعاني
أكيد م الحرمان
واليأس براحته يتجول
يحتل القافية
ويحتل جميع الأوزان
*
الحزن بيمشي في شوارعنا
ولا في دماغه
ودواوين أشعارنا
كمان زاغوا
وتركوا الأحلام بتعاني
ولا فيش في الأرض أماني
والدنيا أكيد تعباني
وأكيد تعباكوا
إيه ع الهم اللي رماكوا
