محمد فتحى السباعى
.أنا أسف على حزن السنين
قلبى خايف يعزف نغم الحنين
أرجعى طمنيني من تانى وضمينى
صدقينى حبك نور فيا ويقين
ومفيش بروحى غير الدموع
معقول خلاص مات الموضوع
أنا آسف ..على حروف الجاحدة
ورجعنا تانى دلوقتى ممنوع
والنص المقسوم نصين بالوحدة
أنا أسف على شعرى المهزوز
شايف الفراق كأنه طلقة موت
وغصب عنى بخانة الحنين محجوز
يعود الوجع العود بشراينى يفوت
نصلى أزاى بوداع العشق لأمؤخذه
وشياطين الأنس فى نبضك نغزه
أنا أسف لسه معجون خطيئة
وأنتى ضفايرك فى الحب بريئة
بترسمى لوحة العشق رغم الضيقة
ولعلمك مكنشى قصدى أشكيلك
أحكيلك وروحك حكيت مليون طريقة
بعتذرلك عن جرحى عيونك زمان
وبعترفلك انك كنتى الأمان
وأخر كلمة فى السطر مابتنسايش
رصيد الحنان حالف تانى يعيش
لو قالولك باعك ووعدك منسى
سايبى روحك تحس بيا متصدقيش
طعم البكا فى حضن المواجع
أنا أسف حب العمر خلاص راجع
طول الوقت ضحية ورومنسى
قرار دكتاتورى رقم واحد دافع
معنى الحرب فى القلب مدافع
الموت أهون عليا بقولها باستمرار
أنا حلمك ونهارك وعزف الأوتار
أرجعى ملكة على راسك تاج
سيدة القصر قمر وبايده العلاج
جرعة هوى بعد الفراق والغياب
ترقص الروح على جناح المزاج
أنا أسف على حزن السنين
قلبى خايف يعزف نغم الحنين
أرجعى طمنيني من تانى وضمينى
صدقينى حبك نور فيا ويقين
