داعش ولاد حارتنا

داعش تبنت العملية .عارف لو داعش هي التي فجرت البطرسيه وقطعت كل حته فيا ولاأزعل ولا اي اندهاش داعش دي لئلا تكونوا قد نسيتم الترجمة هي دوله الاسلام في العراق والشام يعني مش في مصر يعني في بلد تاني في ارض غير ارضنا ونبت غير عندنا وتراب وهوا ونسمه وبحر وكره وحب غير حبنا ! لكن اللي فجرت البطرسيه وقطعت كل حته فيا داعش ولاد حارتنا ولاد وبنات من منطقتنا من حيينا علا ومهاب ومحمد وشفيق ومحسن جيراننا وحبايبنا احنا بنحبهم ًولم نكمن لهم شرا في يوم من الأيام لكنهم للأسف زرعوا في ارض غير ارضنا ولا ماتفهمش زرعوهم شوك جنبنا احنا يقولوا لنا ارضعوا اطفالكم المحبه وهم يقولوا لهم ارضعوا اطفالكم الكراهيه احنا يقولوا لنا دول ولاد ربنا زيكم وهما يقولوا لهم دول ولاد القرده والخنازير احنا يقولوا لنا حبوهم دول أخواتكم وهما يقولوا لهم اكرهوهم دول اعدائكم احنا يقولوا لنا وسعوا لهم سكه وهما يقولوا لهم ضيقوا عليهم الطريق احنا يقولوا لنا هنوهم علشان نفرح سوي بالعيد وهم يقولوا لهم لا تجاملوهم ولاتهنئوهم بالعيد احنا يقولوا لنا شغلوهم معاكم المهم يكون كويس وأمين وهما يقولوا مطلوب للعمل مؤمن (مش مهم يكون حتي حرامي) طلعنا في النهايه اثنين مختلفين هما يفرحوا انهم بيقتلونا علشان يروحوا السما واحنا بنفرح لما نبقي شهداء علشان نروح السماء أصل السما دي مسكّن الله مع قديسيه تفتكروا هيكون مع ربنا في سماه شجره ثمارها شوك وحسك ام عنب وتين قتله ام مقتولين شهداء ام مأجورين ولاد ربنا ولا ولاد شياطين

لا توجد تعليقات